Core Gateway College, Inc.

𝗕𝗔𝗟𝗜𝗧𝗔 | I-CORE Magazine, Lit Folio Entry Nakatanggap ng Parangal sa RHEPC '26; Photojournalist, Pasok sa LHEPC

ARAYAT, Pampanga—Sa unang pagsali sa group category ng I-CORE, Ang Opisyal na Pahayagang Pangmag-aaral ng Core Gateway College, Inc. (CGCI), nagkamit ng apat na parangal ang Cardenas magazine at isa naman para sa Pukaw Literary Folio sa ginanap na 24th Regional Higher Education Press Conference (RHEPC) 2026, Pebrero 11-13.

Walong delegado ang nagtungo sa Pampanga, kung saan wagi ng 5th place si Associate Editor Beiman Ashley Samonte sa Photojournalism Filipino, habang 6th placer naman sa Poem Writing Filipino si Literary Head Dev Rohan Raja Quirino.

Kaugnay nito, nakuha ng Cardenas magazine ang 2nd Best Photo Page, 6th Opinion-Editorial Page, at parehong 9th place ang Features at Development Communication Page; samantala, naiuwi rin ng Pukaw Literary Folio ang 8th place sa Best in Visual Arts.

Sa tagumpay na ito, aabante si Samonte sa Luzon-wide Higher Education Press Conference (LHEPC), kasama ang nasabing dalawang group category. | via Angel Hyne Ibrao

#CGCIStudPub

#RHEPC2026

𝗕𝗔𝗟𝗜𝗧𝗔 | 𝗣𝗔𝗚𝗦𝗔𝗦𝗔𝗡𝗔𝗬 𝗦𝗔 𝗟𝗔𝗥𝗔𝗡𝗚𝗔𝗡 𝗡𝗚 𝗡𝗘𝗚𝗢𝗦𝗬𝗢, 𝗞𝗜𝗡𝗔𝗕𝗜𝗟𝗔𝗡𝗚𝗔𝗡 𝗡𝗚 𝗠𝗚𝗔 𝗦𝗧𝗨𝗗𝗘𝗡𝗧-𝗘𝗡𝗧𝗥𝗘𝗣𝗥𝗘𝗡𝗘𝗨𝗥𝗦 𝗦𝗔 𝗚𝗔𝗟𝗜𝗔𝗡 '𝟮𝟲

Nilahukan ng mga mag-aaral ng Core Gateway College, Inc. (CGCI) mula Senior High School (SHS) Department at Bachelor of Science in Business Administration (BSBA) Department ang sinagawang Produktong Likha ng Kabataang CGCI, Pebrero 5.

Binigyan ng organisadong daloy ang programa nina Abigail Gonzales at Rommel Dela Cruz, na sinimulan ng opening remarks ni Executive Student Council (ESC) Adviser Christine Joy B. Alonz.

“Today, we celebrate not only creativity and innovation, but also the spirit of entrepreneurship and collaboration among other young entrepreneurs," saad ni Alonzo na ang aktibidad ay pagdiriwang hindi lamang ng husay sa paglikha ng produkto, kundi pati na rin ng pagtutulungan ng mga kabataang negosyante.

Pagkayari, sinundan ng Reading of Criteria ni Science, Engineering, and Environmental Development (SEED) Adviser Vladimir Tacmo, upang ipaliwanag ang mga pamantayan sa paghusga ng mga produkto ng mga kalahok sa SHS Department.

Pormal namang pinakilala ni Alonzo ang mga hurado na sina Analou S. Capacillo ng College of Research and Technology (CRT) at Imeer Jeaisa L. Mauricio ng College of Business Accountancy (CBA) sa Accountancy ng Central Luzon State University (CLSU).

Bilang hudyat ng opisyal na pagbubukas ng Food Park, sinagawa ang Ribbon Cutting Ceremony na pinangunahan ni SHS Principal John Chester Jintalan, kasama ang ilang mga kaguruan, hurado, at mga mag-aaral sa BSBA Department.

Sa huli, layunin ng aktibidad na ipakita ang kakayahan ng mga mag-aaral ng CGCI sa paglikha at pagpapalago ng produkto, bilang parte ng kanilang pagsasanay sa larangan ng negosyo. | via Angel Hyne Ibrao, I-CORE

Larawan | Reigne Diaz, I-CORE

#CGCIStudPub
#Galian_2026